陳國邦貼出一封公開信宣布唔同TVB續約,獲唔少網民留言支持。
陳國邦喺台灣演完舞台劇返港,太太羅敏莊專程去接機支持老公。
現年47歲嘅陳國邦雖然演技出色,但喺TVB工作15年一直苦無發揮機會。上星期五,佢喺微博貼出一封「給無綫電視的公開信」,宣布唔會同TVB續約,引嚟唔少網民留言支持。日前,陳國邦喺台灣演完舞台劇返港,太太羅敏莊專程去接機。問佢心情如何,陳國邦話:「冇乜點,封信唔係衝動嘅決定。呢個念頭已經考慮咗一段時間,諗係應該幾時,定係等下再抱希望呢?諗完之後就決定做呢件事。」
陳國邦話自己等咗太耐,心智已經慢慢磨滅,希望喺其他地方搵返衝勁同熱誠,佢話:「封信嘅文字已經交代得好清楚,呢封唔係勒索信,係求職信,等外界知道我係自由身,可以嘗試好多唔同嘅嘢。」佢老婆羅敏莊就話:「我都有工作能力,如果人生唔開心,賺幾多錢都冇用,不如轉個環境。老公演舞台劇返嚟開心好多,我鼓勵佢喺舞台劇發展,雖然唔係搵好多錢,但都夠使啦!」
留言