捧馬拉加破“格”
今晚有場格蘭納達與馬拉加兩支西甲中游班對陣,目前排聯賽第十一及十二位,但只比降班線球隊三、四分,即係話仍需要搶分護級,今晚碰頭都會全力爭勝。兩隊實力半斤八両。往績方面同樣各有勝負,今戰真真正正五五波。由於格蘭納達做“地主”,所以初盤要讓平手/半球,幾大揀入球能力較強的馬拉加可以坐和望贏。
格蘭納達話就話有主場之利,可惜戰績差到痹,六仗主場只得一勝,其餘五戰皆北,二十支西甲中排尾二;此外,球隊火力更係最差一隊,十二場聯賽只攻入八球,數糊能力認真“也也烏”,呢班攻擊手簡直係“非苦”隊精英,即係入波“非”常艱“苦”意思。既然贏波本錢不足,仲要讓波,又點捧得落手。
馬拉加今季走咗祖昆、迪米捷尼斯、伊斯高及盧根奴等重心主力後,成班波完全走晒樣,只剩辛達告魯斯、韋列頓及伊利斯奧支撑大局,首要目標保住甲組位置。球隊作客成績雖然未贏過一場,但六場中有四場不敗,今仗撞正主場惡唔出樣嘅格蘭納達,馬拉加有望打開今季作客勝利之門。
推介:馬拉加1:0
足球評述員Ben
留言