Baby去做臉部鑑定,短短兩小時內就有完整結果。
有網民發現X光片上顯示嘅出爐時間,遲過新聞發布。
喺上海會展中心同黃曉明舉行「世紀婚禮」後,Angelababy就因為去整形外科醫院做臉部鑑定,再度成為傳媒焦點。雖然院長公布Baby臉部冇切口,證實無整容,但有內地網民就發現Baby去做檢查呢件事充滿疑點,除咗認為無可能短短兩小時內就有完整結果,仲發現X光片嘅出爐時間,竟然遲過新聞發布,所以質疑鑑定報告真確性。
當日,Baby按北京法院及代理律師建議,去中國醫學科學院整形外科醫院做臉部鑑定,而且全程公開畀媒體採訪。有內地網民發現《騰訊娛樂》當日早上8點22分就公布訊息,仲貼出Baby嘅X光片,不過X光片上顯示嘅出爐時間,係當日9點02分,兩者明顯有出入。另外,台灣知名主持人陳沂, 仲喺網上暗串Baby, 佢話:「先是北京法院『建議』Baby驗明正身,她隔天馬上主動跑去接受檢查,還開放媒體全程拍攝?感覺就是自導自演的好戲啊!」
留言