兵工廠隨時拜“拜”

媒體

分類

新聞

上周中踢完國際賽，今周又輪到歐戰開火，歐冠盃F組更有好戲上演，阿仙奴火併拜仁慕尼黑。由於連輸兩場，今仗許勝不許敗嘅兵工廠誓必在主場發難，否則出線凍過水。但要殺敗各項賽事十二連勝嘅德甲班霸，兵工廠相當“忟水”。

拜仁前兩場歐冠狂數對手，共攻入八球兼零失球，進攻與防守簡直無懈可擊，上季同樣去到酋長球場，打到阿仙奴寫個“服”字，明晨重臨舊地，應可繼續爆“廠”。初盤拜仁慕尼黑讓半球，搏命求勝嘅阿仙奴恐怕要殺身成“仁”。

阿仙奴近兩場英超踢得最猛，首先大斬惡魔曼聯，跟住炒埋屈福特，兩場波攻入六球，狀態相當不俗，主要原因係山齊士、奧斯爾及禾確特三大攻擊手回勇，令球隊火力大增，確可令今戰對拜仁加強士氣，問題係對住呢支歐洲頂級勁旅信心去到邊？

拜仁目前強勢認真銳不可擋，雖然上仗聯賽只係一球小勝對手，好明顯“哥帥”有留力，只要今場殺敗阿仙奴，拜仁幾可穩奪出線權，必踢出“三穩”政策，穩打、穩扎及穩勝。

推介：拜仁慕尼黑2:1

足球評述員

Ben