媒體
分類
新聞
《港囧》票房疑造假
2015-10-20 17:56
由趙薇主演嘅電影《港囧》，被網民質疑票房造假。
《捉妖記》早前亦被網民踢爆片商用咗「幽靈場」谷票房。
近日，由「金像獎」影后趙薇同內地男星徐崢主演嘅電影《港囧》，被質疑票房造假，引起熱烈討論。有網民話《港囧》喺內地某間戲院嘅10月1日凌晨開始，至早上6點呢段時間，竟然有多達十場上映，而且場場爆滿。隨後，該網民親身去咗嗰間戲院問夜場嘅場次，工作人員就話最後一場係11點45分，之後都無其他場次，質疑戲院推出「幽靈場」谷票房。
其實早前，由內地演員白百何、井柏然主演嘅《捉妖記》，亦被網民踢爆片商用咗「幽靈場」谷票房。為咗杜絕呢種情況發生，近日內地電影局頒發咗《電影院票務系統（軟體）管理實施細則》嘅通知，入面主要有兩條條例針對「幽靈場」而設，條例話如果有夜場爆滿嘅情況，就算冇網民舉報，只要戲院上報票房時，當局就會加倍留意，藉此控制「幽靈場」嘅情況。
留言