夏剛志子冀社會莫曲解父親設計原意

    夏利奧：愛都壁畫寓意繁榮

    【本報消息】政府提出的舊愛都酒店及新花園泳池重建構想，演變成民間保育紛爭。已故的愛都壁畫設計師夏剛志之子夏利奧(Julio Acconci)，為壁畫涉及的風水陣傳聞及“裸女”之說平反，強調壁畫載有祝福，絕無害人之意。

    身兼樂隊Soler成員的夏利奧現時居港，早前接受本報電話訪問時表示，早已留意到數月來有關愛都的討論，他個人絕對希望保留壁畫，但與兄弟考慮到自身為壁畫設計師後人的身份，故決定先讓社會討論後再發聲。

    畫中女子幸運女神

    現時愛都項目諮詢已結束，就壁畫涉及的“裸女”、“風水”爭議，夏利奧希望平反，希望大家知悉背後的故事以公平地決定。他提到，根據父親的概念，壁畫中的女子絕非裸體，“首先，藝術嚟講，呢個係有着衫嘅，冇着衫係乜都見到晒嘅。”當年其父有兩份草稿，其一為全裸，當時考慮到社會的接受程度，故選擇了現時有遮掩的版本，“嗰時爸爸已諗住，冇咁明顯都係好嘅，因為大眾會見到，而家已經有藝術家嘅思維喺度，如果有人話呢個係冇着衫嘅女人，其實唔係爸爸諗嘅方向。”

    他指，父親為意大利人，同時是天主教徒，為人正面，創作時喜愛加上祝福、好意頭的元素，畫中女子是帶着祝福的幸運女神，寓意大家繁榮向好，“一定冇啲邪、奇怪嘅嘢，我爸爸好陽光、好正面”。強調壁畫與娛樂場風水、“挫賭仔銳氣”等說法完全無關，“我爸爸從來冇話畀我聽係風水嘅嘢，聽都未聽過。我一聽到出面傳咗呢樣嘢出嚟都覺得好奇怪。”他亦質疑，既然計劃將愛都打造成文娛康體設施，壁畫作為現成的藝術品，為何不可保留？

    客觀分析保育文化

    他指愛都酒店或壁畫對許多澳人來說都是回憶載體，若然太武斷定去留，世上許多珍貴建築或已不復存在，“如果唔係，羅馬鬥獸場一早拆咗啦，‘喂，以前殺天主教徒喎，拆咗佢啦’。你唔好睇歷史發生咗乜嘢，但始終有歷史價值喺度。”夏利奧呼籲切莫過於主觀，“做嘢真係要定啲，唔好因為個人主觀判斷，要盡量客觀睇成件事，大家會和和諧諧做到成件事好靚，澳門就會逐漸變成一個又可以繁榮、又可以進步、又可以維持到古跡或者現代、將來會變成古跡嘅建築物，千祈唔好睇小呢啲嘢。”

    他稱，以Soler成員身份對外宣傳澳門時，會提及澳門是一個珍惜文化、富有人情味的地方。社會針對愛都討論多時，讓大家各抒己見是好事。希望通過此次事件，讓外人得知澳門是一個珍惜集體回憶的地方，從而認識更有層次的澳門，為小城鼓掌。