關心妍於「百老匯舞台」呈獻「關心妍《說》演唱會2015」。
關心妍搵咗香港樂隊sp'ACE做嘉賓,送上〈Never Say It Again〉。
香港著名女歌手關心妍喺上星期於「百老匯舞台」閃亮登場,佢以扣人心弦嘅聲線呈獻「關心妍《說》演唱會2015」。關心妍不僅唱功了得,仲擁有卓越嘅創作實力,佢穩定嘅舞台表現同精湛嘅演唱技巧,更獲得一眾歌迷報以掌聲支持。當晚,好耐無同澳門歌迷見面嘅關心妍,完美演繹出道後嘅首首金曲,真摰感情加上動人旋律,旋即帶動全場情緒高漲。
關心妍呢位實力派唱家班,自出道以來就有多首金曲為人熟悉,當中唱到街知巷聞嘅就有〈你有心〉、〈優先訂座〉、〈無痛失戀〉等等,而關心妍都喺《說》演唱會入面同觀眾一一重溫。此外,關心妍仲帶嚟近期最新派台歌〈人生銀行〉,同埋兩首經典金曲〈至少還有你〉、〈吻別〉。至於嘉賓方面,佢就搵咗歌手雨僑同埋香港樂隊sp'ACE,分別送上〈拈花惹草〉及〈Never Say ItAgain〉。
留言