拜仁驅逐“匈奴”
歐冠盃繼續上演多場好戲,其中拜仁慕尼黑在安聯球場迎戰阿仙奴展開復仇記。拜仁上仗作客以○比二落敗,但全場佔盡優勢,控球率超過七十巴仙,射門次數廿一比十三;不過,阿仙奴勝在有運,兩次將個波送入網。阿仙奴實際上應該唔夠拜仁“砌”,又或者陰謀論講一句,拜仁有意放生阿仙奴。
不過,拜仁要確保榜首出線席位及強者霸氣,今仗在自己地頭應該冇得留手,誓將“匈奴”滅。
阿仙奴近期好似迴光返照,除在無關重要嘅聯賽盃輸波外,英超一路順風,走勢相當強橫,球員自信心都爆棚。只怕貪勝不知輸,作客拜仁實在非常凶險,隨時遭受重創。初盤拜仁慕尼黑硬讓球半,上場輸幾多,一於連本帶利殺咗“仙”。
拜仁上場聯賽令人失望,作客只能悶和法蘭克福,當然同留力今場比賽有關。以拜仁陣容只要踢出水準,要復仇話咁易。阿仙奴目前勢頭相當勁,山齊士、奧斯爾及卡索拉狀態“弗”到嘭嘭聲。不過係唔係虛火,睇埋今場就知。
推介:拜仁慕尼黑4:0
足球評述員 Ben
留言