EXO將於本月21日喺澳門威尼斯人金光綜藝館舉行演唱會。
EXO今年推出嘅第二張正規專輯《Exodus》,創下破百萬張銷量紀錄。
韓國人氣男團EXO將於本月21日喺澳門威尼斯人金光綜藝館舉行「EXO PLANET #2 - The EXO'luXion- in MACAO」演唱會,到時將會演繹多首出道至今嘅熱門人氣歌曲。門票將於本月6日(明天)起,透過各大金光票務售票處公開發售,票價由澳門幣780元到1,980元不等。
EXO於2012年以歌曲〈Mama〉出道後,先喺2013年推出首張正規專輯《XoXo》,然後再喺今年推出第二張正規專輯《Exodus》,兩張專輯均創下破百萬張嘅銷量紀錄,喺中、韓兩地,甚至全世界都累積一定嘅粉絲數量。佢哋於今年年初喺首爾連開五場個唱,為第二次巡迴演唱會拉開序幕,而即將於本月21日喺澳門威尼斯人舉行嘅「EXO PLANET #2-The EXO'lu Xion-in MACAO」,勢必震撼全場。
留言