被影射有份賣淫嘅林志玲否認事件,仲出律師信追究責任。
《金鴨》女星袁嘉敏亦出現喺賣淫名冊中,但佢就發誓冇做過咁嘅事。
台灣娛樂圈爆出嘅賣淫醜聞持續擴大。日前,集團首腦戴君儀嘅賣淫名冊亦被曝光,盛傳呢單跨國賣淫案,牽涉嘅台灣女星有38名之多,就連「台灣第一名模」之稱嘅林志玲亦被牽涉其中。報道指賣淫首腦戴君儀話林志玲會紅都係因為佢,仲話喺林志玲剛出道時就幫佢安排過飯局,令唔少網民都猜測林志玲就係名冊上嘅「L姐」。不過,林志玲就即時透過微博否認呢個傳聞,更出律師信追究責任。
噚日,被影射有份賣淫嘅林志玲透過微博否認傳聞,佢話:「在道德標準這件事上,我有近乎潔癖的要求,品格是我深深堅持的。子虛烏有的影射報道,媒體捕風捉影,無的放矢地猜測,都是對人格尊嚴的嚴重打擊與傷害。志玲會持續用自己可以擁有的正面能量,繼續努力。」佢仲話根本唔認識報道中所講嘅戴女士(戴君儀),希望媒體朋友停止臆測、報道。
留言