阿仙奴怕“熱”

媒體

分類

新聞

英超今晚又再上演倫敦打吡戰，阿仙奴火併熱刺。阿仙奴剛剛在歐冠盃受到重創，一比五大敗在拜仁腳下，分組賽出線機會微乎其微，球隊士氣無疑受到打擊。且陣中多名主力受傷患困擾，戰力受一定影響，今仗對住近況表現穩打穩紮嘅熱刺，兵工廠實在難言穩勝。

熱刺近三戰取得全勝，雖然對手唔算太強，但球隊發揮出良好狀態。特別係射手卡尼仔，三場入五球重拾射門鞋，今仗絕對係兵工廠防線大患。初盤阿仙奴讓半球／一球，不妨捧熱刺頂得住槍手。

阿仙奴目前有禾確特、韋碧克、韋舒亞、艾朗藍斯、張伯倫及比拿連都肯定因傷缺陣，前中後三線實力大減。雖然山齊士、奧斯爾及卡索拉等幾名核心繼續有出色表現，但替補力不足，可能成為今仗重要關鍵。始終熱刺並非善男信女，兵工廠呢三分唔易攞。

相反，熱刺目前陣容完整得多，孫弘民上場已傷癒復出，表現相當到位。艾歷臣、拉美拿、迪比利及韋列特都處於最佳狀態，就算作客亦未驚過阿仙奴。

推介：和波2:2

Ben

足球評述員