喺親友祝福下,一對新人正式成為徐生徐太。
好兄弟黃又南因有工作在身,未能做伴郎,但都有抽空觀禮。
男子組合Shine成員徐天佑同拍拖八年嘅圈外女友兼舊同學Olive舉行婚禮,並喺洲際酒店擺酒款待親友。噚日一朝早,天佑就身穿紅色絲絨西裝,去女友屋企接新娘,然後陸續同岳父、岳母、長輩斟茶,之後就再到男家同媽媽斟茶。由於天佑已事先講明接新娘唔會有玩新郎遊戲,所以整個過程都非常順利。
接完新娘後,天佑同Olive分別換上禮服同西式婚紗,出發去到半島酒店Felix餐廳舉行簡單而隆重嘅結婚簽訂儀式。喺一班親友見證下,徐天佑同Olive正式結為夫婦。其後,一對新人宣讀誓辭,天佑講到同Olive嘅八年情,竟然先流下男兒淚,令新娘非常感動,最後要在場嘉賓打氣先繼續講埋落下。而新娘Olive就諗起中二嗰年,第一次喺學校見到當時係校草嘅天佑,佢希望今後繼續相愛,亦承諾會努力經營呢段美好婚姻。
留言