柯震東自爆拍攝期間壓力爆煲,搞到右邊耳仔生咗粒大肉瘤。
柯震東話自己學識咗緬甸話,仲分別喺緬甸同泰國住咗兩個月。
台灣《那些年》柯震東自從去年喺北京吸毒被捕後,相隔一年半,終於復出拍攝新戲《再見瓦城》,飾演又瘦又黑嘅緬甸打工仔。喺拍攝期間,佢話因為壓力爆煲,搞到右邊耳仔生咗粒大肉瘤,而喺呢段時間亦瘦咗15磅,腰圍得返29吋,仲日日偏頭痛,後嚟佢適應咗當地嘅食物,身體先至慢慢恢復。
喺《再見瓦城》中,柯震東扮演從緬甸非法偷渡到泰國嘅華人,佢講笑話拍完呢部戲變咗緬甸人,除咗學識緬甸話,仲分別喺緬甸同泰國住咗兩個月,由於呢段時間佢連助手都冇,所以一切起居生活都要自己顧自己。問佢拍攝新戲最辛苦係乜?柯震東話:「生活上最辛苦,因為起居都要被管束,以前放假時間都可以自己安排,但拍這部戲就像在部隊一樣,要跟著導演的作息時間。」
留言