麥浚龍喺音樂會上將新舊作品再串連出另一個愛情故事。
已經有一段時間無演出嘅麥浚龍,早前難得擔任謝安琪嘅澳門個唱嘉賓。
日前,麥浚龍(Juno)為周五舉行嘅音樂會進行彩排,仲即場獻唱〈耿耿於懷〉。由於Juno最近出嘅新碟入面,有六首歌串連唱出一個愛情故事,所以佢打算喺音樂會上將自己嘅新舊作品,再串連出另一個愛情故事,但就依舊以慘情歌為主。佢話:「其實我有九成嘅歌都係慘情歌,可能啲音樂人覺得我把聲適合唱呢類型嘅歌。」
已經有一段時間無演出嘅Juno,繼上月擔任謝安琪嘅澳門個唱嘉賓後,嚟緊好友周國賢又邀請佢做個唱嘉賓。問到係咪周國賢見佢早排話有自閉,先搵佢上台演出?Juno話:「自閉嘅意思係我拍戲嗰時多數係廠度拍,好少喺戶外工作啫!」佢仲話早喺三年前就有人請佢喺紅館開個唱,不過當時撞正自己拍緊《殭屍》,而明年又要開拍新戲,所以唯有等到2017年再作打算。
留言