吳鎮宇新戲化身一頭白髮兼滿臉皺紋嘅老人家。
古天樂同吳鎮宇一改型男形象,喺露天街市上演爭執戲。
古天樂(古仔)同吳鎮宇喺香港開拍新戲《脫皮爸爸》,兩人今次一改型男形象,分別以「市井拖鞋男」,同「白髮皺紋男」現身露天街市上演一場爭執戲。戲中古仔演出一個中年失婚,媽媽過世後要照顧患有腦退化症嘅爸爸,但爸爸竟然會「脫皮」,仲每脫一次皮就會後生十歲,部戲就係講古仔點樣去同呢個「脫皮爸爸」相處。
兩位型男今次個造型講得上係一啲都唔型,市井之餘,吳鎮宇仲成頭白髮,睇落即時老咗十歲。最搞笑嘅係化咗老人妝嘅吳鎮宇完全老人家上身咁,就連啲街坊都認佢唔到,更有圍觀嘅人研究白髮老人係邊個。拍攝結束後,古仔抹去臉上嘅妝,輕鬆步上自己架七人車離開。而「改頭換面」嘅吳鎮宇就戴帽遮住光頭離開。
留言