中葡職中摘“星”出線
【本報消息】學界男A足球中葡職中再贏一場,潘頌嵐梅開二度,助球隊二比○擊敗海星,粉碎濠江出線希望,宣佈提早出線。另一戰聖公會五比○炒起聖若瑟。
昨日兩場賽事於蓮峰球場舉行,中葡職中對海星一役,中葡一開波便控制戰局,“扌禁住”海星進攻,十一分鐘潘頌嵐殺入禁區,扭過門將輕鬆將波送入龍門,半場中葡一比○領先。易邊後,中葡仍然有不少進攻機會,藍祖暉接應角球窄角度射門被門將擋出,未能為球隊增添紀錄。四十四分鐘,潘頌嵐接應吳家富傳中撞入埋齋,鎖定二比○勝局。
另一戰聖公會“血洗”聖若瑟,鄺煒峰十二分鐘建功為大勝拉開序幕,五分鐘後威爾遜再下一城,半場二比○領先。下半場聖公會繼續狂攻,威爾遜五十一分鐘再次建功,個人梅開二度。八分鐘後法蘭度交出入球,米基六十五分鐘為球隊埋齋,造就五比○勝果。
留言