劉嘉玲坦言關之琳的離婚事件，沒有影響到她的心情。  

劉嘉玲表示和陳泰銘有聯絡，並希望他出來交代事件。  

關之琳早前宣布離婚時，曾暗示不滿劉嘉玲與其前夫行山一事。  

劉嘉玲表示不知關之琳曾結婚及離婚，直言與對方不算好朋友。
日前，劉嘉玲出席保良局主席朱李月華之子朱俊浩與太太羅之琦的婚宴。對於早前關之琳宣布離婚時，暗示不滿前夫陳泰銘和劉嘉玲行山一事，劉嘉玲坦言沒有因此而不開心。她表示等事情淡了，會主動聯絡關之琳，並透露不知對方曾結婚和離婚，直言與對方不算是最好朋友。

早前，關之琳宣布與富商陳泰銘離婚時，曾暗示劉嘉玲與前夫陳泰銘行山，是不顧她的感受，令劉嘉玲無故捲入兩人離婚事件中。對此，劉嘉玲坦言沒有因這件事而不開心，問到有沒有去了解整件事？她說：「我諗佢（關之琳）真係喺感情上唔係咁開心，敏感咗啲，希望佢快啲冇事。」

表示會主動搵關之琳

問到有沒有主動聯絡關之琳時，劉嘉玲說：「冇呀！但同陳生（陳泰銘）有聯絡，仲叫快啲出嚟講清楚，我唔想傷害大家，呢樣嘢係男人應該做嘅。」至於會不會影響兩人的友情？劉嘉玲說：「希望快啲過喇！我都要繼續我嘅生活，唔會因為啲無謂嘢影響自己，會主動搵佢，但等件事丟淡啲先。」

直認兩人不是好朋友

問到與關之琳還是不是好朋友？劉嘉玲說：「我都唔知佢哋結婚同離婚，應該就唔係Best Friend。」有傳關之琳離婚是因為陳泰銘不肯公開兩人關係，問到劉嘉玲覺得陳泰銘這樣做是否不對時，劉嘉玲表示：「我唔可以咁樣去判斷，每個人處理事情嘅方式都唔同，只要大家達成默契，就唔會問咁多。」