紅魔鬼主場開“P”
曼聯將要在明晨歐冠盃分組賽迎戰PSV燕豪芬,只要能夠擊敗呢支荷蘭勁旅,就可以穩入淘汰賽階段。曼聯主場出擊,加上球員平均級數較佳,要戰勝對手的確唔難。不過,由於上次對陣輸一比二,紅魔鬼今場非要小心不可,特別係對方穩守突襲,防線必要打醒十二分精神,三分自然手到拿來。
燕豪芬能否出線仍是未知之數,今戰至少要攞一分才有機會,相信會採取以守代攻戰略。但睇雙方首循環對戰,曼聯明顯佔得較多攻勢,射門次數幾乎多達三倍,燕豪芬要保住不敗確實唔易。初盤曼聯讓一球/球半,紅魔鬼仍“豪”得起。
雲戈爾對荷蘭球隊踢法肯定瞭如指掌,只係首循環作客得勢不得分,今次返到主場,應該優勢會更加明顯,最重要係前線能夠把握入球機會。
燕豪芬由兩名墨西哥老將古亞達度與摩蘭奴領軍,拍住一衆九○後荷蘭小將,但求以活力抗衡紅魔鬼,較具威脅的有迪莊及盧卡迪亞兩名攻擊手,講大戰經驗肯定不及曼聯,尤其去到奧脫福,怯場輸波在所難免。
推介:曼聯2:0
足球評述員 Ben
留言