楊思琦承認當年遇襲一事，但否認了被性侵的傳聞。  
日前，楊思琦、楊千嬅、丁子高及陳法蓉等出席公開活動，提到早前鍾嘉欣在節目中公開十年前與楊思琦在廣州番禺拍《人生馬戲團》期間，到夜店唱K離開時遇襲一事。楊思琦坦言當年事件內容與鍾嘉欣所說一致，並否認了當時被性侵的傳聞。她表示若事件如傳聞所說般恐怖，肯定連命都沒了。

早前，鍾嘉欣接受TVB節目《娛樂3兄弟》訪問時，重提2005年在廣州番禺拍攝《人生馬戲團》期間，與唐文龍、陳浩民為楊思琦慶祝生日，怎料唱K離開時被襲擊。鍾嘉欣承認當時確實被人拿刀追殺，但她澄清與楊思琦只是躲了兩小時，並非傳聞中失蹤72小時。對此，楊思琦說：「內容同鍾嘉欣講嘅一樣，真係唔知點解會遇到咁嘅事。」

與鍾嘉欣成生死之交

問到兩人當時躲了多久？楊思琦說：「幾耐真係唔記得咗，我剩係知係好長時間，係我人生最接近死亡嘅一次，亦都因為呢件事，我同鍾嘉欣成為生死之交。」問到當年TVB高層樂易玲是否下令，不准她們提及此事？她坦承說：「當時公司唔畀我哋講，而家都過咗十年咁耐，而且身邊好多人都知，鍾嘉欣都講咗佢嘅部分，無乜所謂啦！」

否認被性侵犯

對於有傳兩人當年失蹤期間曾遭性侵犯，楊思琦說：「梗係冇啦！如果有嘅話，我哋早就冇命啦！點會放我哋走，當時真係生死邊緣。」此外，楊思琦坦言對事件留有陰影，她說：「聽到車門聲會好留意，有段時間會經常發噩夢，覺得好內疚，因為大家係為咗幫我慶祝生日先遇到啲咁嘅事。」