佘詩曼同張智霖主演嘅新戲上映近兩周,中港澳三地票房衝破5,000萬人仔。
佘詩曼話新戲票房尚算及格,但希望可以再好啲。
由葉念琛執導,張智霖及佘詩曼主演嘅《十月初五的月光》電影版上映近兩星期,中港澳三地票房衝破5,000萬人仔。不過,有網民睇完套戲之後,就話電影入面有齊天災、人禍、絕症等人間最悲慘嘅事,仲要喺103分鐘內發生晒喺君好同初哥哥身上。另外,偷食、姦情同不忠都有, 感覺同電視劇差好遠,而且仲幾重口味(口添)!
日前,佘詩曼、張智霖同薛家燕等一眾《十月初五的月光》電影版嘅演員一齊打邊爐慶功。佘詩曼話目前電影嘅票房都叫及格,不過希望可以再好啲,佢話內地院線排片唔係好多,暫時票房只去到呢個位。講到有網民話電影嘅劇情充滿人間最悲慘嘅事,佘詩曼就話:「其實每一個人都有唔同嘅口味,人好主觀嘅,希望今次未能滿足嘅觀眾,導演下次會接納佢哋嘅意見。不過我聽到好多意見,都話有15年前嘅回憶。」
留言