聖日門“熱”買
歐洲主流聯賽周中只有法甲加開快車,明晨有由排第三位嘅昂熱挑戰“一哥”巴黎聖日門,戲碼相當不俗。
不過,聖日門實力大超班,在法甲經已一統天下,聯賽榜領先成條街,昂熱要謀朝篡位肯定冇希望,只望今仗能夠在主場“宣示主權”,踢場好波頂得住大“門”,攞得一分得一分,繼續守住前列位置,問題係能否擋得住聖日門超強火力。初盤巴黎聖日門硬讓球半,當然捧在法甲誰與爭鋒嘅“大巴黎”繼續大步“昂”首。
昂熱今季都算係神奇升班馬,踢完十五輪賽事能升到上前三位,確又不能太過睇小,睇返球隊人腳班底,真係正統國腳級都唔多件,相信球隊踢嘅係士氣與拼勁,呢方面值得一讚,但對住“一哥”聖日門,唯有咬實牙根拼一拼。
聖日門近十三場比賽除在歐冠盃撼皇馬一和一負外,其餘十一場都能夠擊敗對手,四連勝之餘更攻入十六球,火氣猛到得人驚,伊巴謙莫域、卡雲尼及迪馬利亞三大攻擊手,經已可以買起昂熱成班波,少少哋,最少兩球收工。
推介:巴黎聖日門2:0
足球評述員Ben
留言