前日,張栢芝以一身潮爆打扮現身上海機場,準備出席第二日嘅公開活動。問到嚟緊嘅聖誕節點過?張栢芝就話因為兩個仔仔意見唔同,所以暫時仲未有決定,佢話:「佢哋而家大個仔,有自己嘅一套諗法,雖然都係想飛去第二度慶祝,但Lucas同Quintus想去嘅地方都唔同,所以我哋三母子要開一次家庭會議再做決定。」
張栢芝話目前確實有人追,但強調做佢男朋友難度好高。
講到現時嘅感情生活,張栢芝話目前仲係交白卷,佢否認咗之前到同富商拍拖嘅傳聞,強調自己而家仍然係單身。問佢有冇追求者?張栢芝就充滿自信直認好多人追,但所有事都要以兩個仔仔為優先考慮,佢話:「坦白講確實係有人追,但好可惜未睇得上眼。就算過到我呢一關,仲有我兩個仔仔,所以做我男朋友,都幾高難度,要過三關。」
張栢芝戴住黑超,以一身潮爆打扮現身上海機場。
留言