撐尼馬奪金球
國際足聯公佈了一五年度的金球獎候選人最後三強,唔使問阿貴,諗都諗到又係呢三位“大佬”——美斯、C朗及尼馬。
各位波友都有自己心目中嘅金球獎得主,且大熱門應該都係美斯與C朗之爭。不過,小弟今次撐尼馬,希望佢能夠首次奪得呢個大獎。美斯與C朗當然係世界級球王,但尼馬近期發揮的確值得一讚,在美斯受傷期間,尼馬表現有目共睹,幾乎撐起巴塞成隊波,在巴西國家隊亦係重要核心。可惜要攞金球獎仲包含其他因素,起碼美斯與C朗經已深入民心,講受歡迎程度,尼馬肯定輸蝕,奪金機會並非容易。
至於大熱之選,非美斯莫屬,因為去年該阿根廷球王帶領巴塞成為四冠王,C朗嘅皇馬就四大皆空。況且美斯又剛在西甲年度最佳頒獎禮中,力壓C朗奪得最佳球員與最佳前鋒。如無意外,美斯應可第五次奪得金球獎。
今屆國際足聯還有一個獎項,就係最佳入球。我揀羅馬對巴塞歐冠一戰中,費奧倫斯中場笠射成為金球。
足球評述員 Ben
留言