劉浩龍冒雨獻唱手抽筋
劉浩龍(師兄)早前聯同李克勤、蘇永康、趙學而等,到廣州出席“潮拜MUSIC金凱盛譽城群星演唱會”。
當日廣州氣溫急降,並橫風橫雨,加上在露天演出,現場氣溫大概只有十度左右,師兄要抵着寒風,一手揸着雨傘,另一隻手拿着咪獻唱。唱完三首歌返回後台時,師兄突然露出痛苦表情。原來他的左手因用力過度抽筋,手指無法伸直。
師兄表示︰“因為當時落雨,又冷又大風,可能我太用力拿着雨傘,怕太大風會吹走它,獻唱的時候我手部已經抽筋、好痛。唱完回到後台,五隻手指也伸不直,我要不斷磨擦暖手才回復知覺。”
雖然要捱凍獻唱,但師兄能夠有機會與好朋友趙學而見面,亦覺得不枉此行︰“我們是同學,相識已多年,之前亦合作過拍劇,好開心可以一齊做騷。”
臨近年尾又到樂壇頒獎禮時間,師兄坦言希望得到好成績。他說:“今年公司幫我推出了四首歌,全部都是Paco(黃柏高)揀的,我都好想攞到歌曲獎,可以上台多謝Paco。”師兄又說明年會多到內地做商場騷,希望打入內地市場。
留言