夏文汐自爆與老公少見面
由吳綺莉主持的有線節目《往事 · 並不如煙》,最新一集邀得夏文汐擔任嘉賓,她在節目中分享多段感情經歷。節目亦請來蔡穎恩扮演清末民初的名妓小鳯仙。
夏文汐一向予人豪放的形象,自小追求者不斷,跟現任丈夫拍拖三個月便結婚:“佢好幽默,對我好坦白,我唔覺得嫁畀佢係一時衝動,而係上天安排好。”當年夏文汐事業發展至高峰,卻選擇放棄事業跟隨丈夫移居美國:“當時我覺得咩都試過晒,係時間轉變另一個階段,把握呢段婚姻,後來有咗囡囡,更加覺得要有責任心。”可是婚姻生活並不美滿,丈夫經常不在身邊,二人聚少離多,夏文汐坦言:“我哋感情一早出現問題,係環境造成,佢係事業型,因為做生意成日走嚟走去,習慣咗分開生活。”不過她表示與丈夫擁有二十多年的感情,雖然激情少了,但仍有親情,會互相關心對方。
另外,節目邀得蔡穎恩演繹清末民初的名妓小鳯仙,當年小鳯仙愛上大將軍蔡鍔,視蔡鍔為救國大英雄,不惜一切協助他革命。蔡穎恩亦在節目中透露心目中的大英雄:“每個人心中都有仰慕嘅大英雄,佢唔一定擁有卓越才華,但一定有一種無法解釋嘅特質,我心目中嘅大英雄……係正義同願意擔起責任嘅人。”蔡穎恩早前坦承曾患上抑鬱症,全靠男朋友給予她正能量,陪伴她走出抑鬱陰霾,更大讚對方是好男仔。
留言