有料教頭唔憂做
今日歐洲各大聯賽休戰,所以又係同各位波友“吹水”時間。呢兩日最熱爆新聞,當然係“老摩”被炒落“車”,“油王”臨急抱佛腳,又搵返荷蘭名帥軒迪克執手尾,帶領球隊玩埋今季,而“克叔”亦都講到明,要將球隊帶回正軌,目標要為球會奪得足總盃。
講真一句,雖然車仔目前位置正受到降班威脅,但以車仔人腳實力,要打返上中上游位置唔難,除非班“車手”依然死性不改,玩完“老摩”仲要玩埋“油王”。
“老摩”下一站教邊隊仲未知,不過德甲班霸拜仁就已經玩事先聲明,宣佈教頭哥迪奧拿教埋今季後將會離隊,下季接任者係意大利“教父”安察洛堤。以上所講嘅幾位名牌教頭,真係唔憂冇工開,幾乎可以話鍾意教邊隊就教邊隊,最緊要係自己有料到。
哥迪奧拿下一站可能轉戰英超,仲係曼市雙雄中其中一隊。至於“老摩”有可能去玩法甲,執教巴黎聖日門。正所謂天無絕人之路,只要有料,歐洲各大豪門都爭住要,其實轉來轉去,都係呢班教頭玩晒啫。
足球評述員 Ben
留言