林德信異地戀冇好收場
《樂壇第一手》節目請來林德信、周殷廷、Robynn & Kendy、AGA分享如何過聖誕,又唱盡不同經典歌曲,更大玩“Truth or Dare”爆料,為觀眾帶來溫暖的平安夜。
被問對上一次分手的原因,林德信指是因為遠距離戀愛:“佢都係做音樂,我哋兩個都好忙,又分隔異地,佢晚晚都要做嘢,我自己做完嘢就想休息,冇時間同對方溝通,慢慢就淡咗,覺得好可惜,因為其實我哋好夾。”他又指對方在新加坡,已經在幾年前分手。不禁令人思疑所指的對象並不是緋聞女友松岡李那。
Robynn自稱感情上是“阿笨”:“我個初戀男友矮我大半個頭,我明知佢有好多女朋友,約完我又同第二個女仔出街,但我會催佢快啲去見下個約會女仔,然後自己返屋企喊。”
她大爆拍檔Kendy是個花心蘿蔔,出街經常周圍望女仔,又指對方恨做型男碧咸,Kendy直認不諱。
留言