體育精神磊落坦蕩
係獎牌面前,攞獎大過天還是公平競技重要?西班牙日前舉行的一場單車賽可能給你答案。話說一名選手將以第三名衝過終點時,其騎乘的單車突然爆胎,終點在前只好托車向終點跑去。尾隨而至的第四位選手沒有乘機爬頭搶佔其位,只是默默緊隨其後過終點,體育精神贏得全場掌聲。
該名單車手名叫埃斯塔賓,在賽事中全程穩守第三位置,沒有給予身後的拿華露超前機會。在穩袋銅牌之際,單車竟在終點線前三百米爆胎。未有打算放棄的他,隨即托起單車用腳跑向終點。本可爬頭攞獎的拿華露,同樣彰顯體育精神,慢慢跟隨埃斯塔賓身後完成賽事。拿華露賽後坦言,整場賽事都無法超越埃斯塔賓,不希望對手遇事而乘人之危。即使埃斯塔賓賽後提出將銅牌贈予這位君子運動員,拿華露亦婉拒對方好意。
當今社會、體壇利字先行,人人為成功全力以赴、各出奇謀,甚至違背道德、違反法律,為達目的不擇手段。只是,以這樣的方式贏得冠軍,即使瞞得到人,捫心自問是否舒服、過到自己嗰關?其實,所有競技運動比賽場上,唔係贏,就係輸,只有一位、一隊是贏家,可以笑到最後。輸唔緊要,輸亦不代表無用、可恥,最重要是汲取教訓,改善不足、提升實力,下次再拼過,贏唔到人,都要贏自己。拿華露的體育精神,的確值得傳頌、學習。
賈大廚
留言