紅魔鬼難抽“車”
今季英超真係亂過亂世佳人,幾支中下游球隊經常“打游擊”,搞到幾支豪門兵荒馬亂。好似第十七輪比賽,守住第二位嘅阿仙奴竟然四球大敗於修咸頓腳下,又錯過升上榜首機會。
至於兩支落難豪門——曼聯與車路士繼續沉淪。計埋歐冠盃,紅魔鬼已經四連敗,認真衰到冇人有,雲戈爾應該都唔捱得幾耐。新做“車長”嘅軒迪克帶領車路士在主場迎戰屈福特,未能全取三分的確遺憾。兩位荷蘭教頭所帶嘅球隊都算難兄難弟,明晨曼聯對車路士,兩兄弟都唔衰得,今場大戰肯定冇面畀,唔係你死就係我亡。
知己知彼,百戰百勝,兩位荷蘭教頭嘅執教理念、戰術策略等,相信兩位老人家都心中有數。不過,雲戈爾可能近期受到戰績影響,調兵遣將似乎已經自亂陣腳,輸畀史篤城根本唔意外,紅魔鬼已經無藥可救。新官上任三把火,可惜軒迪克首戰攞得一分,球隊發揮依然冇太大改善。冤家路窄對住曼聯,應該會踢得特别醒神。盤路開出平手,既然同是天涯淪落人,和波合理。
推介:和波2:2
足球評述員 Ben
留言