娜姐吻遍辰亦儒
周秀娜(娜姐)主演的網劇《美女公寓》播出後,下載量飊升至近八十萬人次,成績驕人。在劇中,飾演靈異事務所高級特派員的娜姐要和辰亦儒又咀又攬、埋身肉搏,再加上鬥氣連場,確具睇頭。
戲中娜姐和辰亦儒這對歡喜冤家有兩場戲咀嘴,包括娜姐在車廂內為重傷的辰亦儒做人工呼吸。
另一場戲則指她不慎仆進辰亦儒懷抱咀到應,辰亦儒固然艷福無邊,不過娜姐就覺得有點尷尬:“拍呢場戲時,大家先識咗幾日,都有啲尷尬,我要成個人瞓喺佢個身度,跌低然後咀佢,要對啱個位。我覺得自己好似好猴擒咁,成個趴落佢度錫佢;同埋尷尬嘅地方係呢啲咀戲唔係一Take過,拍吓佢又拍吓我,試咗唔同嘅角度,係三百六十度錫匀,嗰一刻我即刻懷疑佢會唔會賄賂導演呢?但應該唔會嘅,佢都幾好咀,哈哈。”
留言