莊思敏捐被竇刨劇本
昨日凌晨,港澳大部分地區錄得攝氏五度以下低溫,為近年罕見。藝人亦紛紛採取不同的禦寒措施,莊思敏(Jacquelin)聲稱要玩冬眠,陳詩慧(Eva)就冚住棉胎錄歌,張建聲(Justin)當正自己踢緊英超一樣,同朋友踢波取暖。
家住港島區的莊思敏,昨晚留在家中被竇避寒睇劇本,落床都披上大棉胎,她笑言:“實在太凍啦,難得休息唔使出街,決定留喺屋企攬實張被冬眠,煲劇之餘又會埋睇劇本。”她睇的原來是TVB新劇《幕後玩家》(暫名)的劇本,該劇將於月底開拍,對手包括張繼聰等。
Eva同樣棉胎不離身,聲稱在屋企仲凍過條街,即使匿喺屋企趕製新歌,亦大被冚實全身,她表示:“噚晚出街食飯,雖然都凍,但返到屋企好似仲凍過出面咁!”
人人匿喺被竇唔出嚟,張建聲就決定出街,仲要短衫短褲去九龍區球場踢波出一身汗,他說:“咁凍嘅天氣踢波,直情以為自己去咗英國踢英超,幾好Feel!”
留言