溫拿開騷
溫拿演唱會於前晚舉行首場,他們唱了五十首歌,“咁長氣”一定超時啦,最終超了二十分鐘,到夜晚十一時五十分完騷,終被罰款五位數字。
這晚氣氛高漲,校長譚詠麟叫全場觀眾站起來,還抵死地說:“如果你哋企唔到,就唔好企啦!”其實溫拿成員個個都唔細,站在台上近四個小時,又唱又跳,確係唔簡單。而台下觀眾,相信年紀也有番咁上下,是故阿倫這番話,真係非常抵死。
溫拿每次開騷,幾乎場場爆滿,因為他們可以說是不少樂迷的集體回憶。尤其是譚校長,樂壇有甚麼事,或是有事情要發聲,一定離不開他這位具代表性的人物。
他們前晚開騷,興致大發,又唱歌又吹水,結果超時。阿倫說騷後要即刻開會,看看有甚麽環節可以删去,因為如果晚晚被罰錢,那就“好唔掂”。其實筆者更有興趣想知道他們用了多少時間排舞,答案是各人自度一個動作,再由排舞師Sunny Wong串連而成,前後兩日就完成。
相信最辛苦是排舞師,陳友還被取笑縮膊動作似“躝癱”。這班老友記,仍是這麼佻皮。
方 筱
留言