亞視“死狀”慘不忍睹

    亞視鞠躬盡瘁，忠粉只能睇到佢“死”為止——

    伍詠薇出身亞姐，對於“故里”的變化，她說：“我冇發表過意見，此乃大事，意見幫唔到的，但我支持亞視和那班同事。去年開始睇亞視，原來以前是這樣的，勾起了回憶。所以，我個心一直支持，決定睇住佢完結為止。”

    你在台外看，我在台內看，心情不一樣。法庭委派的臨時清盤人德勤會計師行宣佈，解散亞視所有員工。離台藝人袁潔儀對留守最後一刻的舊同事送上“心靈鷄湯”：“一個完結，係一個好的開始，唔使擔心，希望很快過去。”問袁潔儀一早選擇離開，可覺幸運？“唔算！早一個月走同遲一個月走，好似肥仔哥哥（劉錫賢）咁話，大家情況一樣。能夠堅守的，都係出咗十二月份糧，啟動不到10A走。大部分人心情相信都係算啦，快些（執笠）啦。”

    雖然對於亞視癡心，亦只贏得“紅粉忠魂未了恨”，德勤稱亞視僅剩二十萬現金。袁潔儀透露亞視仍欠她十二月、一月的薪金，坦言亦擔心未能領回自己的酬勞，只好無奈依足程序塡表，交由破欠基金處理，“其實，索償上限五萬六千元，都要蝕畀佢。”

    精疲力倦、號稱“亞視壯士”的“肥仔哥哥”劉錫賢說：“去到現時，已欠大部分員工兩個月糧，可依僱傭條例自動遣散。我亦致信勞工處，獲知若三月一日不出糧，10A條例亦自動生效……”肥仔哥哥坦言如當日冇糧出就即刻走，直批“亞視對員工不會有任何保障”，近日員工都會星散的了。

    人生自古誰無死，或補充“鴻圖偉業誰無死，留得唏噓照網談”。亞視員工大解散，“影后”鮑起靜慨嘆：“早預了有這樣結局，根本撑不下去。冇計啦，亞視要執笠係一早的事實。以為可以好好結束，咁大間公司搞到今日咁，眞係好唏噓。好多同事走晒，希望快些搵到工。”會否呼籲無線接收亞視員工？”鮑姐說：“我諗都冇諗過。”

    天地轉，光陰迫，周末下午四時四十分，逾十勞工處代表去到亞視大埔廠房，準備為亞視員工登記。

    “亞視用支離破碎方式劃上句號，眞係慘不忍睹。”可見黎燕珊心中的亞視“死狀甚慘”。台破家何在！本來庭院草木深的亞視，曾經有過勁好基業。作為同業又好、亞視出身的又好，珊姐痛心疾首：“件事點都要好好解決的。”

    高 梁