姜皓文為太太學整蛋糕
姜皓文及太太殷寧為最新一集《食得有法“補”》擔任嘉賓,與李司棋及石修交流進補飲食心得。
姜皓文向來演戲落力,事事親身上陣,他大爆在內地拍戲時曾兩度傷及眼睛,幸好有驚無險。“有一次被麻繩繩頭擊中,隻眼即時紅晒,痛到標眼水,我好驚會盲!雖然最後醫生話冇事,但隻眼珠就永遠有個黑點。另一次係拍動作場口時閃避不及,眉骨被木棍扑中,瘀血積聚眼部,又腫又瘀,真係多災多難。”
殷寧聽罷非常擔心:“點解我竟然唔知你受傷?看來你仲有好多事瞞住我。”
外表冷酷的姜皓文,原來卻是個百分百暖男,他自爆曾經秘密為太太學整一個三層唧花蛋糕:“過程係想像唔到咁複雜!學完之後,我反而愛上整蛋糕,依家每次見到蛋糕都會研究一番。”殷寧笑指:“我身邊的朋友當時感動到喊,反而我就喊唔出,場面好搞笑!”
留言