兵工廠有“福”氣

媒體

分類

新聞

足總盃今晚上演最後兩場八強戰，頭場有衛冕冠軍嘅阿仙奴主場恭候屈福特。

聯賽連續三場失分，兵工廠要爭英超錦標，恐怕又再望門興嘆。歐冠盃又落後巴塞兩球，下場要在魯營球場翻盤，仲難過“難為了家嫂”。“雲總”唯有又向足總盃埋手，否則今季就要食“白果”，入四強決心足以戰勝對手。

屈福特在聯賽應該唔愁降班，可以盡力一博足總盃。惜近三場戰績只得一和兩負，球員狀態一般，且人腳實力明顯不及阿仙奴，再加上作客情況下，今仗難以偷雞。初盤阿仙奴讓半球／一球，捧兵工廠贏“特”。

尾場有曼聯對韋斯咸。曼聯真係衰開有條路，聯賽輸畀西布朗後，爭前四又有阻滯，跟住歐霸盃被紅軍殲滅，次回合要翻身真係冇咁易。唔通黑起上嚟連足總盃都“拜拜”？睇返紅魔對利物浦場波，無論進攻與防守確實打得相當差，全場只得一次中目標攻門，防線又失兩球，咁嘅水平又點同“鎚仔幫”硬撼？

今季嘅韋斯咸唔需要再多講，四個字“強隊剋星”。初盤曼聯讓半球，揀硬“鎚仔幫”。

推介：阿仙奴2:0 屈福特

曼聯1:1韋斯咸

足球評述員 Ben