巴拉圭泊大“巴”
世界盃南美洲區外圍賽明早繼續開打,上仗被烏拉圭迫和嘅巴西又要打“圭”,作客踢法硬朗兼“腳腳七注”嘅巴拉圭,唔睇好呢班“錫身”球星有任何作為,差爆嘅防線更隨時氹仔浸蛟龍。
目前與巴西同得八分排第四嘅巴拉圭上場痛失兩分,作客榜首厄瓜多爾完場前被追和,否則已騎住巴西排第三。今仗坐鎮主場迎戰“森巴兵”,巴拉圭肯定未驚過對手,皆因近三次在中立場對陣,雙方都難分高下,而巴西對上次作客巴拉圭就慘吞兩蛋,計往績巴拉圭完全唔輸蝕。初盤巴西要讓平手 / 半球,捧巴拉圭殺退“森巴兵”。
巴拉圭踢法可以用“粗野”嚟形容,尤其主場出戰,係犯規次數最多的一隊,真係自己地頭特別惡;不過,球隊確實具一定實力,巴里奧斯、拉斯卡奴、皮利斯及干沙里斯等都在歐洲聯賽搵食,作戰能力絕不低於巴西。
上場睇巴西對烏拉圭,見到巴西嘅防守認真眼火爆,大衛雷斯咁嘅防守力都可以入到國家隊,唉!簡單一句講晒,對巴西條防線已經冇晒信心。
推介:巴拉圭1:0
足球評述員 Ben
留言