黎燕珊愛靚唔要命
由李司棋、石修、李尚正及鄺芷凡主持的有線飲食節目《食得有法“補”》每集以不同主題,邀請藝人、名廚、中醫師、營養師交流進補飲食心得。今集,司棋姐找來明艷照人、保養得宜的黎燕珊(珊姐)及黃婉曼(Icy)擔任嘉賓,大談女性保健心得。
談到女性常見的毛病,不得不提經痛及便秘。珊姐在節目上分享她的經歷:“做女藝人真係有苦自己知,我曾經試過經痛到開唔到工,要食止痛藥死撐,加上經常食無定時,身體會差啲,血虛係好常見。”
不過她笑言經期亦帶給她意外收穫:“嗰幾日胸口漲,身材會好啲,尤其着晚裝特別靚!”她又提到曾經因為愛美,不飲水導致血虛腸塞等問題,“我曾經為咗着晚裝想瘦啲,唔飲水避免小腹發漲,誰不知搞到腸道阻塞,結果便秘。”她笑言事後才明白身體健康的重要,現在會小心飲食,多吃滋補食品和湯水。
留言