馬爾代夫度蜜月
杏兒破格影泳衣相
新婚的胡杏兒,早前與丈夫李乘德(Philip)到馬爾代夫度過長達七十五天的環球蜜月之旅,日前已返香港。在馬爾代夫的最後一站,兩夫婦盡情享受陽光與海灘的同時,杏兒更加作了一個破格新嘗試——就係第一次影泳衣相留念。
曾自爆入行以來從未放過長假的杏兒,在這段浪漫假期中,分別去過日本、大溪地、新西蘭、美國、英國、希臘、馬爾代夫等十多個地方。在最後一站馬爾代夫,杏兒即興玩影相,穿上黑色兩件頭泳衣在沙灘拍照,身形弗到漏,在陽光映照下,既健康又性感,甚具異國風情。
在另外一些相片中,杏兒披上橙色薄紗漫步淺灘、白色長恤輕露香肩、抱膝坐於石灘上欣賞夕陽,配上波光粼粼、浪濤拍岸的景致,靚人靚景靚如畫。
杏兒表示,除了前年與閨蜜遊船河時被拍下泳衣照外,私下未曾試過影泳衣相,今次是正式第一次影泳衣相留念。她說:“影呢輯相時,係去度蜜月的最後一個站馬爾代夫。我們住的酒店裡有一間店舖係專幫人影相留念的。職員知道我是藝人,就建議影一輯相。成件事係好即興,冇化妝冇整頭髮,戴副黑超就去影了。馬爾代夫的景色同陽光好靚,所以點影都好有感覺。”
談到當日弗爆的身形,杏兒就笑說:“身形永遠都可以再好一點,依家比較流行健康型,我都想多點肌肉,會好努力咁去練。”她透露最喜歡拎住滑板擺甫士的那張相片,好有動感。
留言