“拖肥”受讓嗒得落
英格蘭足總盃四強明晨開打,“藍紅”陣營對戰,愛華頓火併曼聯,中立場一場決勝負爭入決賽。愛華頓已連續七場英超未贏過,原因聯賽已經無慾無求,足總盃就係最大期望。球隊在八強淘汰車路士一戰,贏得相當精彩,完全技術性拆“車”,證明愛華頓具有一定戰鬥力。雖然聯賽曾經被曼聯雙殺,但今戰一場過,“拖肥糖”一定去到盡。
曼聯上一圈重賽擊敗韋斯咸就贏得相當驚險,之後英超又取得兩連勝,狀態似乎唔錯。但考慮到對手只係維拉與水晶宮,實力方面明顯較愛華頓稍弱,且曼聯始終仍未回到最強氣勢,今仗未必十拿九穩。初盤曼聯讓半球,紅魔隨時畀“糖”鯁。愛華頓上仗打吡四球慘敗利物浦腳下,不過,“拖肥糖”明顯玩留力,收起大部分主力,擺到明待明晨與曼聯決一死戰。
足總盃係曼聯今季唯一錦標,“雲帥”當然唔會放過捧盃機會,就算英超仲要分心爭前四,但今戰一樣會全力撲擊對手。不過愛華頓一向硬打硬,緊迫踢法完全唔易應付,紅魔鬼要在九十分鐘内解決對手談何容易。
推介:和波1:1
足球評述員 Ben
留言