伍詠薇奉旨摸王宗堯
伍詠薇及陳皓雲主持的《伍姑娘真識食》,日前邀得“網絡男神”王宗堯(Gregory)任嘉賓,論盡娛圈內幕及私人感情事。
Gregory透露會在節目中為伍姑娘下廚。問到有否試過煮給女朋友食?Gregory直認有:“都試過好多次,煮西餐多,不過近排大家都好忙,少咗機會煮嘢食。” 原來伍姑娘與Gregory早已認識,全因兩隻貓結緣。伍姑娘解釋:“我知佢之前領養咗兩隻貓仔,一個大男人第一次養貓,我這個貓奴好擔心,就教佢照顧貓仔。”
伍姑娘指Gregory是點名要邀請的嘉賓之一,“依家叫男神的有好多,但真係有質素的好少。我係一個揀擇的中女,我邀請的嘉賓一定要答問題答得有Point,Gregory係其中一個我好欣賞的藝人。我一直有留意佢演戲同其他工作,覺得佢有心有力。”
伍姑娘又表示身邊的女朋友都鍾情Gregory,“佢哋對男神的腹肌同股肌都好有興趣,叫我今日幫佢哋摸摸,我會盡力滿足佢哋的要求。”
留言