徐子淇訪尼泊爾感觸多
去年,尼泊爾發生七點八級強烈地震,造成死傷無數,當中包括大批兒童。尼泊爾地震一周年,徐子淇帶同女兒展開親善之旅,過程中接受有線娛樂新聞專訪,分享探訪的感受。
去年徐子淇看到尼泊爾地震的新聞時,內心非常難過,除捐款支持外,還特別帶同六歲的二女Hayley前往當地探訪。“今次我最想探訪小朋友,等佢哋知道仲有世界各地嘅人關心佢哋。我亦希望其他家長可以帶同下一代,去關心有需要嘅人。”問到女兒Hayley的感受,她表示:“我唔開心,因為呢度啲小朋友都冇得返學,我有時都唔想做功課,不過見到佢哋,我會鍾意返學。”徐子淇感恩女兒於探訪過程中有所得着,勸勉女兒珍惜讀書機會。
在探訪一個殘障家庭時,女主人的一席話更讓徐子淇感觸落淚,她解釋:“尼泊爾人生活簡單,但起碼有屋住、有工返,結果一個地震改寫咗佢哋一生。”雖然災區環境仍然十分惡劣,不過徐子淇被當地災民的頑強精神所感動,“災民生活仲好困難,不過有一點好觸動到我,佢哋仍然係咁勇敢生存,眼神充滿希望。”
留言