黎明個唱大家Happy

    4D演唱第三場，“金句王”黎明新出“鑽石句”——教你講粗口，且兩句之多。

    取消握手環節，黎明這樣解釋的：“其實，我好想握手，我不介意與每個人握手。”黎明有苦衷，“今日同你哋握手，咁，第一日冇握手觀眾會講：Oh ShXX，I am very bad！點解冇買今場飛？”

    講粗口，黎明有偉論：“廣東音粗口好難聽，接受英文教育的，會習慣咗英文粗口。有時，去到一些無法形容的時候，加個字落去，不會覺得怪！”黎明舉例：與韓國舞蹈員排舞，導演多番提醒，舞台煙花周圍飛……他們落到台底，親身感受後，煙花眞係咁seven飛，呢一刻眞係要加一個字落去。我唔係教你講粗口，當然，不可以在小朋友面前講。

    台下有觀眾高呼：Exaut7ly！跟你學嘢呀。”黎明一笑：“學吓學吓就OK啦。”

    黎明還有“萌叔”白金句：“在不同地方做綜藝節目，我行來行去，有人會話：Leon呀，你好萌呀。呢個‘萌’字，以前解釋係Cute；現在，Cute字加個阿叔，就係萌叔嘞。”繼而，天王在感慨歲月催人，“我細個時，不知叫過幾多人做阿叔，我唔識的便叫阿伯。通常叫完之後，啲人會問：‘點呀，明仔？’歲月過後，阿叔阿伯都係一代傳一代。當年你叫過幾多次阿叔，可能現在被叫返Double。其實，我過去好少叫人阿叔，通常叫前輩、前輩……我哋來到地球都係過客，好快離開。總之，應該將記憶放在腦裡，珍惜當下。”

    估佢唔到的4D演唱，不但有內圍核心，還有外圍核心。場內滿座的四千五百名觀眾陶醉；場外海邊亦有千多路人暢聚。一邊野餐一邊聽歌，路過車輛慢駛，形成塞車的“流動核心”。黎明唱到電音名曲《眼睛想旅行》時，場內場外觀眾齊齊和唱，這一份樂事，氣氛令人回味。

    “至緊要，唔好燒鷄翼，不要生火！”內圍核心的黎明，也知道外圍的熱烈。“知道外面泊咗好多車，又喺度野餐，帶埋紅酒，Parma Ham。唔緊要嘅，至緊要唔好喺度燒鷄翼，任何會燒嘅嘢都唔好。”

    對外圍旁聽歌迷，黎明寄予關懷：“外圍嘅人係聽到我講嘢嘅，所以，至緊要小心啲。今日濕度OK，不會食到塵。總之，大家開心，唔好唔開心。如果見到阿Sir，阿Sir叫你畀返個空間，咁就大家退一退，一人讓一步。”

    “噪音管制”，未夠十一時散場——這叫甚麼噪音？是美妙歌聲！大家聽得多開心，但也不妨細聲少少——音樂總監雷頌德太太眞係心直口快。

    高 梁