新劇被投訴
黃光亮自認路人甲
陳煒(煒哥)、黃光亮、李天翔及湯洛雯昨日為清談節目《男人食堂》任錄影嘉賓。煒哥坦言自當上選美冠軍後,就一直演有對白的角色,卻被黃光亮取笑:“冠軍都係路人甲之嘛!每年有好多人當上冠軍,都係路途上的過客,所以唔好咁介意。”
昨日的話題圍繞“我是路人甲”,問到陳煒有否做過路人甲?她謂自選美奪冠後,已開始做有對白的角色,言之下意即是沒有演過路人甲角色。黃光亮聞言則笑笑口說︰“你冇做過路人甲?人人都是路人甲,都是路途上的過客。”煒哥即反問:“乜唔係個個都係主角咩?”黃光亮說:“我自己是業餘演員!細細個阿媽都會講:你要讀書、搵工、搵老婆、生仔、供車、供樓、等死,有邊個唔係咁?每個人都係勞碌過活,所以都係路人甲。”
兩人有份主演的劇集《火線下的江湖大佬》開播後收到七宗投訴,指不應以黑社會、江湖人物作拍攝題材。黃光亮就笑指沒有黑社會這回事,更謂:“咪唔好睇囉!(唔睇冇收視喎?)冇收視關我咩事?又唔係我投資!除非我做得唔好啫,咁我係咪做得唔好呀?”語畢,他即怕醜地躲到陳煒背後,場面非常搞笑。煒哥就笑說:“我聽到的反應是坊間口碑很好,一眾演員亦好合拍和齊心,這個組合非常難得。”
留言