譚耀文內地搵食唔揀擇
譚耀文接受有線節目《星級會客室》專訪,與汪曼玲分享從男配角走到男主角的經歷,更開腔感激太太多年的支持。當年譚耀文以歌手身份入行,但發展未如理想。其後轉戰影壇,獲得電影獎項,可惜事業發展仍不是很好:“當時有個高層探班,但佢係探個偶像派演員,我有被忽視的感覺,原來市場一定揀靚仔做主角,唔識做戲都可以,我照吓鏡,真係唔靚仔,於是我決定要搵自己的天地。”
譚耀文決定往內地發展,首度登上主角之位,他坦言:“見到通告單上我個名排第一,人人都譚哥前譚哥後,當時真係樂而忘返。”經歷過事業的高低起跌,譚耀文堅持走其演藝之路:“我在內地做過男二角色,好多人唔明點解我會接,其實一個角色有得發揮,佢就係一個好角色,結果套劇成為我另一套代表作。就算十個有九個人話唔好,但如果你有信心做好件事,就一定要堅持。”譚耀文現時香港及內地兩邊走,工作機會不斷。
留言