曼城驅“奴”
英超冠軍已經名花有主,不過,前四位依然仲有變數,今晚場曼城大戰阿仙奴相當關鍵。尤其曼城,要鞏固前四位置,今場非勝不可,對住近期表現一般嘅阿仙奴,“藍月亮”三分志在必得。
兵工廠較為穩陣,最後一場對住已篤定降班嘅維拉,坐三望二應該冇走雞,對住敵對派之一嘅曼城當然唔衰得。但講到爭勝決心一定唔夠對手強。初盤曼城讓平手/半球,筍盤到不得了,預料“藍月亮”大勝一場。
為爭取歐冠決賽席位,曼城之前一場聯賽處於半放棄態度,半力出擊情況下,作客大敗於修咸頓腳下。可惜事與願違,最終亦被皇馬淘汰,唯有將戰力再集中英超。其實輸畀皇馬亦非戰之罪,作客情況下○比一落敗無話可說。但球隊整體發揮確實唔差,只係踢法較為保守,進攻欠缺銳利。不過,今戰肯定採取主動踢法,以球隊前線強大火力,爆“廠”冇問題。
兵工廠近七戰取得四勝三和不敗,狀態似乎唔錯,但睇返所遇對手都係低下層,上場作客新特蘭更踢到一無是處。今仗對住求勝心切嘅曼城,兵工廠凶多吉少。
推介:曼城3:0
足球評述員 Ben
留言