紅魔鬼出“斯”不利
英超歐冠席位依然打生打死,曼城與阿仙奴打成平手後,造就排第五嘅曼聯又有機會爭上位,紅魔鬼祇要連贏兩場,就可穩奪前四位置,明晨作客韋斯咸,紅魔鬼要非勝不可。不過,要擊敗韋斯咸並非容易,“鎚仔幫”今季專與強隊作對,目前排前四嘅球隊,及“紅藍軍”利物浦與車路士,都曾在韋斯咸腳下失分,首循環紅魔鬼主場亦被韋斯咸悶和,今場作客,曼聯實在勝算不足,初盤曼聯讓平手/半球,紅魔鬼隨時中“鎚”。
韋斯咸本身實力的確唔差,前中後三線都相當平均,且更有頑強戰鬥力,雖然上場對住史雲斯“發波瘟”;不過,“鎚仔幫”遇強越強本色實在令強隊聞風喪膽,球隊目前仍有機會爭取下季歐戰資格,所以唔好認為“鎚仔幫”一場大敗就毫無戰意,今仗更要為足總盃一敗之仇而戰。
曼聯今季作客戰績叫做差,十八戰七勝四和七負,勝率僅過三分一,上仗險勝尾二嘅諾域治都贏得相當驚濤駭浪。此外,韋斯咸今季前線攻力比曼聯更具殺傷力,大踢進攻足球嘅“鎚仔幫”必會主動向紅魔鬼搶攻,坐和望贏至少執半個盤。
推介:韋斯咸2:1
足球評述員 Ben
留言