澳門「失億」事件引起多個團體週日發起「回水」大遊行。間選議員陳澤武表示︰「如果政府俾得都應該係合法，你話應唔應該俾就見仁見智啦。」被問到是否支持今次向基金會向暨大捐款？他說︰「支持，梗係支持啦，都做咗囉。」對於今次事件焫㷫全城有何看法？他回應︰「咁呢個係市民既問題啦，唔係我既問題。」教育界間選議員陳虹拒絕回應今次事件，而一向語出驚人的官委議員馮志強則說︰「(我係)官委點講啫，境外既嘢唔講。」
直選議員麥瑞權表示，澳門經濟正在下滑，特區政府捐款到內地高校加強培養澳門的人才無問題。他認為，其他外地高校亦可來澳申請資助，審批機構應該要一視同仁，如果有太多申請亦可以同澳門的院校一齊排隊評分，「睇下對澳門有冇貢獻，你有幾多個澳門學生，你有幾多個專科對澳門產業多元化有利，對澳門發展有幫助」。
被問到江門同鄉會會否於週日舉行遊行撐政府「依法施政」？身為江門同鄉會副會長的麥瑞權表示，同鄉會與中總、街總、工聯等社團都是一樣的，所有決定都由民主式管理。「因為我唔係核心管理層，我亦都唔知佢地既決策，因為我係好多個會都有身份。」
官委議員蕭志偉則認為，「暨大一億」經正常程序審批，不覺得有外界所言的利益輸送問題。他稱，澳門將來和內地有很多區域合作，「要用到特區政府的一啲財政，包括政府部門也好，澳門基金會等等，呢個將來都會繼續做。澳門要緊扣國家的發展，在緊密構建的過程中，需要資源調配，呢個係好正常既。」他又認為，不單止是教育層面，只要是國家建設有需要，澳門調撥資源支持大陸都是應該的。「教育資源投放在本地或者大陸的意義都係一樣，都係培育年青人接受高等教育。」他不希望社會浪費時間糾纏在今次事件。
社會一直都有訴求大額公帑撥款要經立法會審議，蕭志偉說︰「每一件事情係咪真係要我哋每一個議員都要參與呢？」他認為這種「以人治人唔信人」的思考方式是落後的，治理社會要用現代的管理模式，應透過立法堵塞漏洞。他說，如果基金會的審批制度有漏洞的話，相信議員一定會提出，甚至要求官員、基金會等來立法會討論。但現時在了解事件的過程中，首先要相信基金會的制度，今次事件只是訊息傳遞出現問題，「我一直都支持政府在培養人才方面投放資源。」