巴塞讓多難“維”數
西班牙超級盃明晨展開決戰,巴塞羅那火併西維爾。
巴塞已經成功衛冕聯賽冠軍,當然希望能夠成為雙冠王。祇不過對手西維爾剛在歐霸盃再度稱王,士氣高昂,且今季西甲兩度交手,雙方各勝一仗,季前一場歐洲超霸盃同樣殺得難分難解,巴塞祇能在加時險勝西維爾,巴塞今仗實在毫無穩勝把握。初盤巴塞羅那讓球半/兩球,捧以爛打見稱嘅西维爾最緊要赢盤。
巴塞氣勢當然強勁,近五場聯賽全勝之餘,攻入對手廿四球兼保持不失。單係“牙擦蘇”個人獨取十四球,狀態“弗”到“嘭嘭聲”,簡直無人能擋。仲有美斯與尼馬兩大攻擊手,“MSN”超合金組合確係球隊贏波最大本錢,西維爾防線必受極大考驗。
歐霸盃決戰反勝利物浦,西維爾確實贏得精彩,球員顯示出激昂鬥志,其中賓尼加、加美路、基祖維克及隊長高基等多名主力都能發揮出個人獨當一面的能力。既然今仗一場過决戰,啱晒“盃賽王”戰略。對住攻力強横既巴塞,西維爾先以穩守為主再打突擊,預料九十分鐘內上落唔大,巴塞贏波至多一球止步。
推介:巴塞羅那2:1
足球評述員 Ben
留言