十五周年巡唱
Twins鼓動歌迷跳舞
Twins大前晚於廣州舉行巡唱,今年五月亦是Twins成立十五周年,各地粉絲聚首一堂,廣州一站門票甫發售即秒殺賣爆,創下今年廣州演唱會票務最火的紀錄,阿Sa和阿嬌既感意外,又大為驚喜。
當晚甫開騷已全場熱爆,掀起萬人卡拉OK大合唱。期間不少歌迷想起身跳舞,卻遭現場保安阻止,最後Twins忍不住幫口喊道:“我們難得十五周年大派對嘛,唔好理咁多,大家一齊起身跳舞啦!如果佢哋唔畀你企起身,你咪扮坐低,之後再起過身囉!”最終在臨完場前,全場歌迷站起來跳舞狂歡,有些歌迷更站在椅子上跳,氣氛熱烈到沸點。
Twins對這次演出表示感到十分完美,慶功宴上直言這是一個一百分的演唱會。回想兩人於二○○一年五月十八日出道,阿Sa驚嘆道:“眨吓眼就十五年!時間過得太快,依家回想好似是前幾日自己才剛出道一樣。好開心十五年來有個阿嬌一直在我身邊,同我一齊度過好多日子。”阿嬌謂:“好多謝大家一直以來都咁支持我哋,希望接下來有更多的十五年啦!呢十五年,我最想同阿Sa講:我愛你!”
最近發生劉亦菲被男歌迷衝上台抱跌事件,但Twins演唱會上,她們大膽挑戰公安,叫歌迷起身跳舞,阿Sa笑言:“唔驚啦,難得十五年!我都試過被男歌迷衝上台,好彩嗰次我助手好眼快,即刻從後台衝出來拉走佢。”阿嬌謂:“其實Twins粉絲都好乖,現場又有咁多保安,所以好放心,一點都唔驚會有人衝上台。”
留言