劉浩龍冀執導MV
“師兄”劉浩龍再有新歌《520》面世,由於在有“我愛你”諧音的五月二十日推出,純粹睇歌名,以為是一首甜到漏的冧歌,但實情是一首呼籲天下戀人要好好珍惜另一半的情歌。
為加強歌曲帶出的訊息,唱片公司提議將MV拍成微電影。拍攝當日,劇組到了西貢龍蝦灣一帶取景,拍攝男女主角在草地談情,以及到海邊接吻場景。在下午陽光最猛烈的時候開工,台前幕後個個汗流浹背;獻出熒幕初吻的女主角Judy更因為怕羞,搞到頻頻NG,縱使男主角麥子樂飛來艷福,但在烈日下,卻是難受多於享受。
師兄今次小試牛刀參與幕後工作,他表示希望將來可以真正執起導演筒:“以前唔會明白,點解拍一個鏡頭要山長水遠去搵個草地,或者一條行人天橋,今次從導演細榮身上學識對鏡頭、對畫面的執着。我入行咁多年,參與過唔少電影、MV拍攝,對幕後製作有少少概念,將來希望可以監製或者導演自己的MV吧。”
留言